Pasi ndihmoi Kamzën të rikthehej në Kategorinë Superiore, Vilfor Hysa i ka dhënë fund aventurës me kamzalinjtë, por njëkohësisht është larguar edhe nga Shqipëria.
Sulmuesi tiranas ka firmosur në Itali, në Serinë D, me L’Akuila.
Klubi nga Abruco e ka zyrtarizuar ditën e djeshme, që do të thotë se sulmuesi 27-vjeçar e ka mbyllur, të paktën përkohësisht, me futbollin shqiptar.
Hysa ka një CV të pasur, me shumë klube në Superiore, ndërsa në dy sezonet e fundit ka luajtur në Kategorinë e Parë, me Kastriotin dhe Kamzën.