Mertens, Dibala, Suso… Skena është e tyre! Në një mbrëmje të ftohtë, Seria A dhuron praktikisht një “thes” me gola dhe çfarë golash. Lajmi i mbrëmjes, praktikisht, fitorja e thellë e Milanit në Verona. Pikërisht në qytetin e dashurisë mes Romeos dhe Zhuljetës, Montela merr dhuratën më të bukur nga djemtë e tij, duke shkatërruar skuadrën e Maranit, që nuk humbiste në kampionat që në shtator dhe që ishte kockë e fortë për këdo. Mendon Suso për të treguar rrugën e drejtë, me një perlë që hap sfidën, ndërsa më pas Sesar me autogol, po pas krosit të spanjollit, e devijon në portën e tij.
Bonuçi, në tribunën e “Bentegodi”-t, i skualifikuar, duartroket shokët e ekipit, ndërsa pjesa e dytë nis me golin e parë në Serinë A për Çalhanoglu. Kievo zgjohet, falë edhe gabimit të Kejsit, që i fal një top Birsës, i cili e dërgon në rrjetë. Një gol që hap sfidën, por mendon Kaliniç ta mbylli, me golin e katërt kuqezi. Më pas, vetëm administrim për kuqezinjtë dhe një shtyllë e vendasve. Milani kthehet te fitorja pas më shumë se një muaji (Milan-SPAL 2-0) dhe Montela, në prag të Juventusit, fiton pak qetësi…
https://www.youtube.com/watch?v=qShqyQaiOHM
Pikërisht Juventusi, pas suksesit në Udine, me gjashtë gola, realizon katër edhe ndaj Spalit, në një ndeshje aspak të lehtë, pasi pavarësisht 2-0 të shpejtë, me Bernardeski dhe Dibala (goditje dënimi), Paloski shkurton diferencat. Në pjesën e dytë, miqve u anulohet një gol (edhe VAR e konfirmon) ndërsa më pas Higuain shënon për 3-1 dhe Kuadrado mbyll llogaritë.
https://www.youtube.com/watch?v=tg4TNObtBE8
E ndërsa Juventusi fiton, Napoli bën të njëjtën gjë, duke rimarrë kreun, pas suksesit të Interit dje. Axurrët e Sarrit gjejnë një Mertens në format stratosferik në “Marassi”, aty ku ndeshja nisi me avantazhin e vendësve (gol Tarabt). Belgu realizon tripletë fantastike, teksa goli i dytë është i një niveli të magjishëm. Në fund, Ico shqetëson jo pak, por mbyllet 2-3 final.
https://www.youtube.com/watch?v=ymKK7x3D1cM
Në “Olimpico”, Romës i duhet një penallti për të kaluar Krotonen, teksa Perroti realizon. Një penallti e diskutuar, edhe pse verdhekuqtë patën rastet për të mbyllur sfidën, por ishin të pafat dhe jo të saktë. Fiton edhe ekipi tjetër roman, Lacio e Inzagit, që në Bolonja gjen Milinkoviç-Saviç dhe Luliç autorët e golave, ndërsa Imobile gabon nga pika e bardhë. Vendësit shkurtojnë me autogolin e Luliçit, ndërsa ka drithërima për Strakoshën, që nuk është se pati shumë punë sonte.
https://www.youtube.com/watch?v=ZP6IWNtX99o
Rezultatet e mbrëmjes
