Nuk e priste kurrsesi që në aeroportin “Macedonia” në Selanik ta prisnin dhjetra tifozë me fanellat e Arisit, teksa njëri nga ata i ka hedhur edhe shallin rreth qafës… Migjen Basha u befasua nga pritja që iu bë nga tifozët e skuadrës së tij të re, Aris Selanik.
https://www.facebook.com/AllAboutARIScom/videos/1581015365338431/
Mesfushori shqiptar, që sezonin e fundit luante me Barin në Serinë B italiane, ka folur edhe për mediet greke: “Dua të jap 200% për këtë skuadër dhe nuk do të kursehem. Do të bëj më të mirën, sigurisht. Nesër do të kryej vizitat mjekësore dhe, nëse gjithçka shkon mirë, do të vijë edhe firma”.
Më pas, teksa e pyetën në lidhje me faktin se çfarë njeh nga Arisi, Basha tha se “përpara pesë apo gjashtë vitesh ka qenë edhe në Europë, ndaj është një skuadër me prestigj në Greqi. Veç kësaj, ka edhe një tifozeri fantastike. Mezi pres”.
