Mohamed Elneni ka përjetuar një nga momentet më të sikletshme të karrierës së tij. Mesfushori egjiptian e nisi nga stoli ndeshjen e fundit kundër Uest Hemit, të cilën Arsenali e fitoi me rezultatin 3-1. Ndeshja ishte e gjitha në kontrollin e “topçinjve” dhe mbeteshin edhe pak sekonda për vërshëllimën e përfundimtare të arbitrit, por kjo nuk e ka ndalur Artetën të bëjë edhe një zëvendësim të fundit. Ndoshta zëvendësimi më i panevojshëm në historinë e futbollit.
Elneni hyn në lojë dhe sapo pozicionohet mirë në fushë bëhet gati për të dalë sërish jashtë. Vetëm 12 sekonda pas aktivizimit të tij gjyqtari sinjalizon përfundimin e ndeshjes. Megjithatë egjiptiani e ka marrë me pozitivitet situatën e krijuar, ndërsa Xhaka shkon ta përqafojë për t’i mbajtur lart moralin./Halit Delibashi-Sport Ekspres/
Mohamed Elneny extended highlights against West Ham ?pic.twitter.com/ebBj6q3P5T
— Troll Football (@TrollFootball) December 27, 2022