Thomas Strakosha ka bërë dy pritje fantastike ndaj Interit në minutën e 59 të takimit. Këta të fundit janë duke fituar me rezultatin 1-0 ndaj Lacios, ndërsa gardiani shqiptar ka evituar një gol të sigurt.
Fillimisht do të ishte Barela i vetëm ndaj Strakoshës, duke pasur gjithë hapësirën e nevojshme për të shënuar. Por atje portieri shqiptar do të reagonte bukur duke e kapur topin me këmbë. Topi do të mbërrinte te një tjetër lojtar i zikaltërve, Politano, që ka goditur menjëherë, por si një “supermen” Strakosha e largon sërish topin.
Tifozët e Interit e kanë kaluar me një buzëqeshje ironike dhe nuk po u besonin syve për rastin e humbur, po ashtu si edhe vetë faqa zyrtare e këtij klubi në Twitter: “Mamma mia”. /Sport Ekspres/