Sokol Cikalleshi po kalon një formë mjaft të mirë në Arabinë Saudite. Goli nuk i ka munguar këtë sezon, teksa sot ka shënuar të 8-in në kampionat. Al Khaleej fiton të drejtën e një 11 metërshi në minutën e 23-të përballë Al Feiha-së dhe sulmuesi shqiptar merr përsipër ta ekzekutojë.
Cikalleshi ka sigurinë e duhur nga pika e bardhë e penalltisë, duke u treguar i pagabueshëm përballë portierit kundërshtar. Topi shkon në rrjetë dhe lojtari nga Kavaja i jep avantazhin Al Khaleej-it./Halit Delibashi-Sport Ekspres/