Atletiko Madrid-Barcelona ishte një ndeshje që prodhoi shumë tension në fushën e blertë. Në fund ishin katalanasit që arritën të fitonin me golin e Dembele në minutën e 22. Tashmë ekipi i Xavit kryeson tabelën i vetëm, me tre pikë më shumë se Real Madrid.
Por në këtë ndeshje ka pasur edhe një moment të pazakontë që erdhi në fundin e ndeshjes. Savic dhe Torres e harruan për një moment ndeshjen dhe nisën të dyluftonin me njëri-tjetrin, si të ishin në MMA. Arbitri nuk e kishte të vështirë që të nxirrte dy kartonë të kuq nga xhepi i tij. /Sport Ekspres/