Kanë përfunduar 45 minutat e para të “Klasikes“ gjermane mes Dortmundit dhe Bajernit të Mynihut. Këta të fundit kaluan në avantazh të parët falë Levandovskit, por VAR-i i ngriu festën duke e anuluar për pozicion jashtë loje. Ndërkohë vetëm në momentet e fundit të pjesës së parë merr zjarr dueli dy rivalëve të përjetshëm.
Marko Rojs tund rrjetën në minutën e 45 duke finalizuar një aksion model, por kundërpërgjigja do të vijë në frymën e fundit. Në minutën e 4-t shtesë të fraksionit të parë të lojës bavarezët barazojnë gjithçka falë Alaba. Ishte një skemë e çuditshme nga goditja e dënimit që në fund rezultoi perfekte për të dërguar topin në rrjetë. Normalisht që meritat i shkojnë edhe lojtarit austriak, që i jep sferës koordinatat e duhura për ta ndezur kështu edhe më tepër klasiken me Dortmundin./Halit Delibashi-Sport Ekspres/
https://twitter.com/LyndioSport/status/1325141572401332225
Marco Reus adelanta al Borussia Dortmund en #DerKlassiker. https://t.co/22L9XjAq3R
— Contragolpe (@contragolpefc) November 7, 2020