Charles De Ketelaere, 21-vjeçari do të jetë lojtari më i ri i Milanit dhe do të nënshkruajë një kontratë pesëvjeçare me kampionin aktual të Italisë. Ka zgjatur gjatë negociata mes Club Brugge dhe kuqezinjëve për këtë mesfushor sulmues. Në fund, marrëveshja u arrit për një transferim prej 35 milionë eurosh.
De Ketelaere do të mbërrijë në Milano gjatë fundjavës për ekzaminime mjekësore dhe të hënën do të prezantohet si lojtari i ri i kampionëve të Italisë. Shumë e quajnë këtë 21-vjeçar pasardhës të Kevin De Bruyne dhe është një talent vërtet fenomenal që shkëlqeu në radhët e Club Brugge. /Sport Ekspres/