LIVE, Kosovë U21-Shqipëri U21 0-1, Cokaj 35′
Shpresat e Shqipërisë po kalojnë një periudhë fantastike muajt e fundit. Rikthimi në fushën e lojës i ka gjetur më në formë se kurrë, teksa mbrëmjen e sotme kanë marrë edhe fitoren e 3-të radhazi në kualifikueset e Euro 2021. Kuqezinjtë e vegjël kanë mposhtur me rezultatin minimal 0-1 bashkëmoshatarët e Kosovës në “Fadil Vokrri“.
Një fitore kjo, e cila e kombinuar me dhuratën e bukur turke, që mposhtën Austrinë U21, i mban 21-vjeçarët e Shqipërisë vetëm 1 pikë larg vendit të dytë. Gjithçka do të vendoset në përballjet e fundit, kur Shqipëria udhëton drejt Anlgisë, ndërsa Austria do të ketë përballë Andorën. Tashmë ëndrra Euro 2021 është vetëm 1 hap larg./Halit Delibashi-Sport Ekspres/