Reali i Madridit mposhti për të pestën herë radhazi Barcelonës, duke u kualifikuar kështu në finalen e Superkupës së Spanjës. Pasi loja përfundoi 2-2 në 90 minuta, ishin madrilenët ata që arritën të shënonin golin e fitores. Megjithatë vëmendja kryesore duket se nuk u përqendrua tek golat, pasi videoja që mori më shumë klikime ishte pikërisht lëvizja fantastike e lojtarit të Realit të Madridit, Mendy.
Në minutën e 85-të, kur ndeshja ishte 2-2, Mendy rikuperoi një top të rrezikshëm në mbrojtje. Kur llogjika të çon që të spastrosh topin, Mendy shfrenoi imagjinatën, duke dribluar tre lojtarë të Barcelonës, të cilët nuk iu besuan dot syve të tyre. /Elio Hajdari-Sport Ekspres/