Serisë prej 11 ndeshjeve pa humbje në të gjitha kompeticionet për Milanin i erdhi fundi. Kuqezinjtë janë dorëzuar në Brianca. Monza ka shokuar “djallin” në minutat e fundit, duke e mposhtur me shifrat 4-2.
Pesina nga pika e bardhë e 11 metërshit në minutën e 44-t dhe Dani Mota në minutën e 6 të shtesës së pjesës së parë e dërguan Monzën në dhomën e zhveshjes në epërsi. Kuqezinjtë e Piolit reaguan në pjesën e dytë të takimit, kur ngushtuan fillimisht diferencat me anë të Zhirusë në minutën e 65. Vetëm dy minuta nga fundi i kohës së rregullt Pulisiçi riktheu baraspeshën në lojë, por që zgjati jo më shumë se 120 sekonda.
Bondo i dërgoi shifrat në 3-2, ndërsa në minutën e 96 Kolomboja fiksoi rezultatin përfundimtar në 4-2. Një shokim i vërtetë për Milanin nga klubi i Adriano Galianit. Megjithëse ka kaluar një jetë me Milanin, drejtuesi i Monzës këtë herë i bëri një dhuratë mjaft të bukur Juventusit./Halit Delibashi-Sport Ekspres/
??? GOAL | Monza 4-2 AC Milan | Colombo
COLOMBO MAKES IT FOUR FOR MONZA !!!!!!!pic.twitter.com/gQt25KIjEi
— Tekkers Foot (@tekkersfoot) February 18, 2024