Milani po ecën me hapa të frikshëm pas ndërprerjes së kampionatit dhe po korr rezultate pozitive në fushë. Ende asnjë humbje për kuqezinjtë, që janë zgjuar në sprintin final dhe po dhurojnë emocione në fushën e lojës për tifozët e tyre. Një gol për t’u duartrokitur ka ardhur që në minutat e para kundër Bolonjës.
Ante Rebiç është thjesht fantastik me kontrollin e topit dhe lëvizjet e tij. Di si të “trullosë“ kundërshtarin dhe me një pasim me thembër e dërgon sferën te Theo Hernandez që menjëherë shërben në zonë. Ibrahimoviç tregohet altruist dhe e lejon topin të kalojë përmes këmbëve të tij për të gjetur më pas Saelemakers, që e ndal më pas në rrjetë.
Lojtarët kuptohen në ajër me njëri-tjetrin dhe rezultati tregohet pastër në aksionin model të kuqezinjve, të cilët kanë shënuar më pas edhe golin e dytë falë Çalhanoglu, megjithëse një ndihmë e mirë i erdhi nga gabimi i portierit kundërshtar./Halit Delibashi-Sport Ekspres/