Reali i Madridit e ka nisur në 2023 me një humbje. Madrilenët janë mundur nga Villareal në shifrat 2-1 në transfertë. Goli i parë erdhi nga vendasit me anë të Pino. Benzema do të barazonte me penallti, ndërsa po nga 11-metërshi ishte Moreno që i dha avantazhin Villareal.
Kështu do të mbaronte ky takim, me Barcelonën që ka të njëjtën kuotë pikësh me Realin, por me një ndeshje më tepër për të zhvilluar. Nga krahu tjetër kjo ndeshje do të mbetet në histori për madrilenët pasi për herë të parë nuk kanë aktivizuar asnjë lojtar spanjoll në formacionin e 11-shes titullare. /Sport Ekspres/