Befasitë e rezultateve të Botërorit në Katar janë të bërë të udhës. Thuajse në çdo ditë jemi mësuar që të shohim shifra surprizuese. Këtë herë është Belgjika që ka humbur ndaj Marokut me shifrat 2-0. Maroku vinte nga barazimi pa gola ndaj Kroacisë, teksa këtë herë do të merrte tre pikët.
Goli i parë u shënua nga ana e Sabirit në të 73. Ndërkohë për të vulosur historikun e takimit mendoi Aboukhal në të 3 e shtesës. Përtej këtyre shifrave dhe kësaj humbje, Belgjika është dukshëm jo favorite për të shkuar larg në këtë Botëror pasi brezi i saj i artë është vjetëruar dhe ndodhet larg shkëlqimit të dikurshëm. /Elio Hajdari-Sport Ekspres/