Kukësi-Partizani 1-2 Daci 47’/ Cara 14′, Bitri 75′
Një ndeshje me tension të lartë ishte ajo e sotmja mes Kukësit dhe Partizanit. Gjithçka nisi në minutën e 14 të takimit ku Tedi Cara lëshoi një predhë nga goditja e dënimit për të gjetur rrjetën. Lojtari i Partizanit shkoi për të festuar dhe një shishe mbërriti në syrin e tij, për të lënë menjëherë fushën.
Kështu do të mbyllej edhe pjesa e parë ku kishte më tepër tension dhe shishe të hedhura, sesa futboll. Pjesa e dytë nisi me një marsh më shumë për Kukësin. Daci arriti të linte mbrapa Bitrin në të 48 dhe shënoi menjëherë pas ardhjes nga stoli, duke barazuar gjithçka.
Verilindorët “morën zemër” dhe kërkuan të sulmonin kundërshtarin, pa pasur një tjetër rast të mirë për të përmbysur. Nga krahu tjetër, Eneo Bitri realizoi me kokë pas një goditje këndi në të 75. Kështu Partizani merr vendin e parë me 12 pikë, ndërsa Enkeleid Dobi debuton me humbje te Kukësi që nuk arrin ende të marrë fitoren e parë në kampionat. /Sport Ekspres/
55′ Tjetër shishe hidhet në fushën e lojës. Kolela i drejtohet Shametit: “Kjo është tifozeria juaj”. Shameti përgjigjet: “Unë jam këtu”.
Kukës: Tafas, Haxhiu, Ilieski, Bytyci, Ndreca, Gyasi, Gj. Taipi, Sh. Taipi, Moraes, Barbosa, Zivkovic
Partizani (4-3-1-2): Rexhepi, Buxhelaj, Sota, Bitri, Hadroj, Rrapaj, Telushi, Murataj, Hodo, Cara, Skuka