Dita e sotme ka qenë një ditë zie për klubin e Koniasporit. Ahmet Calik u nda në mënyrë të papritur nga jeta mëngjesin e sotëm, pasi pësoi një aksident me automjetin e tij. Mbrojtësi 27-vjeçar kishte organizuar dasmën e tij dhe kishte marrë një ditë leje nga klubi, por fatkeqësisht për të ajo do të ishte dita e fundit e jetës së tij.
Në Turqi kanë dalë edhe pamjet e tragjedisë që shoku i ekipit të Cikalleshit ka pësuar. Calik ka parakaluar një kamion në autostradë dhe më pas ka humbur kontrollin e makinës së tij Mercedes, duke dalë kështu jashtë rruge./Halit Delibashi-Sport Ekspres/