Dje, Manchester United u mposht në shtëpi nga Arsenali në shifrat 0-1 në derbin e javës së 37-të të Premier League. Por ndeshja në Old Trafford u karakterizua nga skena apokaliptike që tregoi se Old Trafford ka nevojë urgjente për rinovim.
Tashmë dihet se Old Trafford nuk është në gjendjen më të mirë dhe se prej vitesh kanë probleme me çatinë që shpesh pikon dhe “arnimi” i vrimave duket se nuk po ndihmon më, gjë që u pa më së miri pas ndeshjes së djeshme. Shiu i dendur ra në Mançester dhe tregoi të gjitha të metat e stadiumit ikonik, i cili duket qartë se ka nevojë urgjente për ndërhyrje. Uji depërtoi në pjesë të tjera të stadiumit duke krijuar pamje aspak të bukura për t’u parë nga një stadium ikonik. /Elio Hajdari-Sport Ekspres/
It was the Theatre of Streams at Old Trafford yesterday. ?? pic.twitter.com/A1HbcXuddB
— BBC Sport (@BBCSport) May 13, 2024