Antonio Konte njihet për temperamentin e tij shpërthyes. Grinta e tij dhe nxjerrja e nervave gjatë ndeshjeve janë kthyer në karakteristika dalluese për të. Por sot ka hasur në kockë të fortë, pasi Granit Xhaka nuk i ka thënë “jo“ debatit me italianin.
Mesfushori shqiptar nuk i trembet Kontes dhe bën atë që pak lojtarë kanë pasur guximin ta bëjnë. Xhaka ngre tonin e zërit ndaj trajnerit të Totenhemit dhe nis një betejë fjalës në distancë. Debati mes tyre është bërë menjëherë viral në rrjetet sociale. Kjo për shkak se të dy personat në fjalë zotërojnë një karakter të ngjashëm dhe nuk i kontrollojnë emocionet e nervat./Halit Delibashi-Sport Ekspres/