Mbrëmë, Cristiano Ronaldo luajti për herë të parë pasi u zyrtarizua te Al Nassr. Portugezi i drejtoi yjet e kampionatit të Arabisë Saudite në një ndeshje spektakolare kundër PSG-së dhe në fund përjetoi në Riad atë që nuk e ka përjetuar kurrë në karrierën e tij. Ronaldo mundi të shihte më së miri se sa shumë e duan dhe e respektojnë tifozët në Arabinë Saudite.
Në minutën e 90-të, kamerat e kanë shfaqur Ronaldon të ulur në stol me shokët e tij në ekranin e madh të stadiumit, ndërsa tifozët kanë reaguar në mënyrë euforike dhe kanë përshëndetur për të disatën herë portugezin me ovacione të mëdha. Kjo gjë e preku vërtet Ronaldon, i cili nuk mundi të mbetej i ftohtë ndaj zhurmës nga tribuna dhe vendosi të përshëndesë tifozët, gjë që i ka entuziazmuar edhe më shumë. /Sport Ekspres/
Cristiano Ronaldo waves to supporters. pic.twitter.com/b1PdNLGYzP
— CR7 Portugal (@CR7_PORFC) January 19, 2023