Matko Djarmati ishte i ftuar në “Fair Play” që prezantohet nga Enkeleida Zeko gjatë mbrëmjes së djeshme. Drejtori sportiv i Vllaznisë do të komentonte për fitoren e arritur nga ana e shkodranëve ndaj Apolonisë, por kushtet e vështira kanë ndikuar që nga Djarmati të mos kishte koment shumë të gjatë.
“Ju kërkoj ndjesë për lidhjen, por as nuk e di se ku jam, as nuk e di se ku ndodhem. Ka rënë shumë borë këtu ku jam. Ndodhem në një situatë të vështirë i ngelur në mes të rrugës’, do të shprehej Djarmati. Mes fjalëve të thëna për ndeshjen ndaj Apolonisë është përsëritur fakti se me rëndësi ishte tre pikët e mara, ndërsa gjithë pjesa tjetër do të diskutohet në mbledhjen me skuadrën. /Sport Ekspres/