Xherdan Shaqiri i ka dhënë lamtumirën Liverpool-it, teksa ka firmosur një kontratë 3-vjeçare me skuadrën e Lyon-it. Sulmuesi shqiptar arriti të fitonte çdo trofe me të kuqtë, ku dha kontributin e tij sa herë që ekipi kishte nevojë. Liverpool ka përcjellë mes falenderimesh dhe kujtimesh 29-vjeçarin, që tashmë do të hapë një faqe të re në karrierën e tij.
Klubi i njohur anglez ka shpërndarë një video në faqen e vetë zyrtare në “Instagram”, në të cilën shfaq disa nga momentet më shenjuese të Shaqirit me fanellën e Liverpool-it. Gjithçka nis me ditën e tij të parë në “Anfield“ për të arritur më pas kulmin me atë përmbysje të madhe ndaj Barcelonës në Champions League, ku Xherdan Shaqiri dhuroi dy asist./Halit Delibashi-Sport Ekspres/
View this post on Instagram