Myrto Uzuni ka arritur që të shënojë golin e parë në La Liga. Sulmuesi shqiptar u aktivizua në minutën 62 ndaj Mallorcas në një finale direkte mbijetese. Nga ana tjetër ky ishte edhe derbi shqiptar pasi Vedat Muriqi luajti si titullar.
Goli i Uzunit do të vinte në minutën e 78 duke përfituar nga gabimi në zonën kundërshtare, mes ulërimës së çlirimit. Ndërkohë Granada e turpëroi rivalin e saj edhe pse në transfertë, pasi fituan me shifrat 2-6. Pas kësaj fitore është skuadra e Uzunit që sheh “dritë në fundin e tunelit”, ndërsa Mallorca ndodhet shumë pranë rënies nga kategoria. /Sport Ekspres/