Momente paniku kanë përfshirë skuadrat e Gaziantep dhe Beshiktashit. Në minutën e 71-të të takimit mes tyre, Fabrice N’Sakala rikthen frikën e madhe që të gjithë përjetuar në momentin kur Eriksen pësoi arrest kardiak gjatë Euro 2020. Mbrojtësi i Beshiktashit humb ndjenjat dhe rrëzohet përtokë, duke vënë në alarm lojtarët që gjendeshin në fushë.
Mjekët kanë ndërhyrë menjëherë duke i kthyer vetëdijen dhe më pas e kanë nisur me urgjencë drejt spitalit. Klubi turk bën me dije se gjendja e N’Sakalas tashmë është normalizuar dhe se lojtari ka kaluar rrezikun e madh. Momente të tilla po shtohen kohët e fundit në futboll, duke krijuar shqetësim mbi shëndetin e futbollistëve./Halit Delibashi-Sport Ekspres/