Në ditën e djeshme u zhvillua edhe miqësorja mes Rangers dhe Realit të Madridit. Lojtarët e drejtuar nga Ançeloti e nisën me humbjen 2-1 fazën përgatitore. Spanjollët i besuan më tepër lojtarëve të rinjë dhe kjo solli që panorama e ndeshjes të kishte pamjen e kundërt. Rangersi bëri Realin e Madridit, ndërsa këta të fundit morën pamjen e skocezëve.
Skuadra e Gerrard goditi 21 herë dhe në 8 raste topi shkoi drejt portës. Ndërkohë Reali i Madridit kishte 5 goditje në total dhe vetëm një në portë. Për herë të parë ka shënuar me fanellën e Rangers edhe afrimi më i ri, Sakala. Shija është e madhe për shkakun se u tund rrjeta e Realit të Madridit.
Më herët ky futbollist është konsideruar si afrim i dështuar te Ostende pasi nuk po bënte diferencën në Belgjikë duke marrë kritika së bashku me Sindrit Gurin. Lidhja e lojtarëve ishte aq e fortë sa Sakala i dedikoi golat sulmuesit shqiptar në momentin që u operua në gju. Por nëse Sindrit Guri nuk arriti në asnjë moment që të bënte diferencën, Sakala përmirësoi statistikat në dy sezonet pasardhëse dhe i siguroi vetes Rangersin. /Sport Ekspres/
1? The first #RangersFC goal for @fashionjr10.
? Watch the full match and highlights on RangersTV: https://t.co/bFpa1WQxeB pic.twitter.com/cgM2F4THVM
— Rangers Football Club (@RangersFC) July 25, 2021
View this post on Instagram