Mbrëmja e sotme ka kthyer emocionet e veçanta të Ligës së Kampionëve. Ky kompeticion ka kaluar tashmë në fazën më të bukur të tij, atë me eliminim direkt. PSG-Real Madrid ka qenë sfida që ka hapur raundin e 1/16-ve dhe sigurisht që spektakli nuk ka munguar.
Parisienët kanë treguar që nga minuta e parë në të fundit se ishin të zotët e shtëpisë, duke dominuar në mënyrë absolute ata që cilësohen si “mbretërit e Europës”. Këta të fundit nënshtrohen në “Parkun e Princave”, teksa ishte objektivi i madh i tyre i merkatos, Kilian Mbape, ai i cili në sekondat e fundit të minutave shtesë i jep fitoren 1-0 PSG-së.
Një gol ky që ngre peshë stadiumin dhe zhvlerëson atë gabim të Mesit në minutën e 62-të, kur nga pika e bardhë e penalltisë humbet duelin me Kurtuanë. Francezët marshojnë më të qetë në Madrid për ndeshjen e kthimit, megjithëse një rezultat 1-0 nuk siguron asgjë. Aq më tepër kur përballë gjendet një ekip si Reali i Madridit./Halit Delibashi-Sport Ekspres/
Kylian Mbappé ? pic.twitter.com/HIv8uZy6Z9
— Nathan (@Nathan_Gr_) February 15, 2022