Botoshani ka marrë një fitore me shifrat 2-3 në transfertën kundër Chindia Targoviste. Protagonist në këtë takim ka qenë edhe futbollisti shqiptar, Realdo Fili. Ky i fundit shënon golin e parë për skuadrën e tij në minutën e 26 të ndeshjes.
Ish-lojtari i Luftëtarit shërbehet në zonë dhe i gjendur me shpinë nga porta bën kthesën për ta ndalur portën në rrjetë. Një gol me peshë ky, që ndikon edhe në rezultatin përfundimtar të kësaj përballjeje. Ndërkohë, kjo ishte hera e dytë që Fili shënon këtë sezon, duke dhënë shenja pozitive në kampionatin rumun./Halit Delibashi-Sport Ekspres/