Ermir Lenjani ka dhuruar një tjetër magji në Zvicër, por këtë herë jo duke shënuar. Futbollisti i Kombëtares ka shpalosur kalibrin e tij me një pasim fantastik që nxirrte huq gjithë rreshtimin e mbrojtjes kundërshtare.
Nga pas shpine u erdhi ai topi perfekt, që për Doumbian ishte lojë fëmijësh për të mposhtur portierin kundërshtar. Bëhet fjalë për ndeshjen mes Luzernit dhe Sionit, që po vendoset pikërisht nga ky episode. Pjesa e parë është mbyllur me rezultatin 0-1 dhe ka ende kohë për Lenjanin që të kërkojë edhë një realizim personal në këtë përballje. /Sport Ekspres/