Juventusi ka nisur të përmendet nga rezultatet e fundit zgjënjyese. Bardhezinjtë janë zgjuar në Champions League, ku kanë dhënë sinjalet e duhura për Alegrin. “Zonja e vjetër“ ka shkatërruar Zenitin e Shën Peterburgut me shifrat 4-2, duke u bërë kështu ndër skuadrat e para që pret biletën për në fazën tjetër të kompeticionit më të lakmuar për klubet në Europë.
Paulo Dibala gjen golin që në minutë të 11, por po brenda pjesës së parë Bonuçi i bën një dhuratë të bukur kundërshtarit duke e dërguar topin në portën e tij. Megjithatë pjesa e dytë flet e gjitha për Juventusin, i cili shënon edhe herë të tjera në portën e ekipit rus.
Dibala shënon përsëri nga pika e bardhë e penalltisë, ndërsa më pas Kieza dhe Morata plotësojnë tablonë e golave të bardhezinjve. Ndërkohë Zeniti do të shënonte përsëri në minutat shtesë, por goli do të vlente vetëm për statistikë./Halit Delibashi-Sport Ekspres/
https://twitter.com/juve_canal/status/1455629023594393606