Interim err tre pikë mjaft të vlefshme në “Xhuzepe Meaxa“. Zikaltrit kanë mposhtur Veronën me shifrat minimale 1-0. Ndeshja u vendos që në minutën e 3-të, kur Lautaro Martinez e dërgoi topin në rrjetë dhe i dha fitoren skuadrës së tij. Verona u përpoq të reagonte në pjesën e parë, por pa sukses.
Interi dyfishoi shifrat në pjesën e dytë të lojës, por gjyqtari i mohon festën duke e konsideruar të parregullt. Në minutën e 69 në fushën e lojës aktivozohet edhe Kristjan Asllani, i cili kërkoi të shënonte golin e tij të parë me fanellën zikaltër. Mesfushori shqiptar shmang bukur një kundërshtar në afërsi të zonës dhe më pas liron të djathtën e tij. Asllani “flirton“ me golin, por pa mundur të shënojë, pasi topi shkoi ngjitur me shtyllën.
Rezultati qendroi i pandryshuar deri në fund të ndeshjes dhe Interi shkon në kuotën e 37 pikëve, po aq sa Juventusi dhe 1 më pak se Milani. Zikaltrit ruajnë ritmin për garën për titull, teksa mban ende diferencën prej 10 pikësh nga Napoli i vendit të parë./Halit Delibashi-Sport Ekspres/