Një ndeshje e çmendur ishte ajo e sotmja në Camp Nou mes Barcelonës dhe Interit. Vendasit kaluan të parët në avantazh me Dembelen, duke e mbyllur pjesën e parë 1-0.
Përmbysja do të vinte nga Barela dhe Martinez. Ndërkohë Lewandowski barazoi shifrat në të 82. Kur pritej që ndeshja të përfundonte kështu, Gonsens gjeti avantazhin sërish në të 88 për 2-3, ndërsa vetëm dy minuta më vonë, ishte sërish Lewandowski që barazoi.
Tani Interi ndodhet në vendin e dytë me 7 pikë dhe Barcelona në të tretin me 4 pikë. Goditjen e fundit për ta dërguar Barcelonën në Europa League pritet t’ia japi Bayern Munchen.
Për shkak të marrëdhënies së keqe me spanjollët nga mënyra si e morën Lewandowskin, në Spanjë ekziston frika se Bayern do të tolerojë në ndeshjen e fundit me Interin. /Sport Ekspres/