Interi vazhdon të marshojë drejt skudetos. Zikaltrit po ecin me hap kampioni në Serinë A, ku deri më tani nuk njohin kundërshtarë për titullin. Ekipi i Inzagit ka shkatërruar me shifrat e thella 4-0 Salernitanën në “Xhuzepe Meaxa” mbrëmjen e sotme.
Interi hipotekoi fitoren që në pjesën e parë të ndeshjes. Turami zhbllokoi shifrat në minutën e 17, ndërsa vetëm 2 minuta më vonë Lautaro Martinezi dyfishoi rezultatin. Në listën e golashënuesëve u përfshi edhe Dumfrisi, i cili gjeti rrugën e rrjetës në minutën e 40. Ndrërkohë, kur kronometri po numëronte minutën e fundit të kohës së rregullt, Arnautoviçi i dërgoi shifrat përfundimtare në 4-0. Në lojë u aktivizua edhe Kristjan Asllani, i cili zuri vendin e Çalhanoglusë në minutën e 66./Halit Delibashi-Sport Ekspres/
ARNAUTOVIC 4-0 pic.twitter.com/YV6EwSD7Fv
— InterGIFs (@InterGIFs1908) February 16, 2024