Vedat Muriqit i pëlqen që të shënojë kundër ekipeve të njohura në La Liga. Sulmuesi shqiptar ka gjetur një tjetër gol dhe ka shkundur një tjetër rrjetë në La Liga. Këtë herë sulmuesi i Kosovës ka shënuar golin e barazimit ndaj Atletiko Madrid.
Kur rezultati ishte në shifrat 0-1, në minutën e 85 të takimit, Vedat Muriqi lëshoi një goditje të fortë me kokë që u ndal në rrjetë. Më parë Muriqi kishte shënuar shpesh kundër Real Madrid dhe Barcelonës, ndërsa tani listën e tij e kompleton edhe me Atletiko Madridin. /Sport Eskpres/