Armando Broja ka debutuar me Chelsea-n e Pochetino. Sulmuesi shqiptar hyri në fushë në minutën e 78, duke marrë vendin e Moises Caicedo. Por te Chelsea po luanin me një lojtar më pak pas ndëshkimit me karton të kuq të Gusto, teksa rezultati ishte 0-1 në favor të Aston Villa.
Lojtari i Kombëtares kishte pak kontakte me topin në ato minuta aktivizimi, teksa në vetëm një rast tentoi të driblonte dhe ia doli me sukses, megjithëse dëshira për të shënuar bëri që goditja të ishte e gabuar. Gjithashtu Broja kishte edhe një shans të artë shënimi pas një krosimi nga goditja e dënimit, por gjuajtja përfundoi jashtë dhe u akordua poziconi jashtë loje. /Sport Ekspres/