Elseid Hysaj duket të jetë aktiv këto kohë në rrjetet sociale duke iu bashkuar sfidave të krijuara nga lojtarët e tjerë të futbolit. Pas mbajtjes së karameles me xhunglime, tashmë mbrojtësi Shkodran ka vendosur t’i bëjë një surprizë jo të bukur bashkëshortes së tij. E nisur fillimisht si një lojë nga futbollisti i Atleticos së Madridit, Llorente, si dhe nga Hakimi, tani edhe Hysaj e ka vënë në jetë këtë rreng.
Kapiteni kuqezi ka marrë një gotë të mbushur me ujë duke e mbajtur drejt tavanit, ndërsa më pas ka ftuar bashkëshorten e tij ta bënte një gjë të tillë. Por loja nuk ka shkuar ashtu si duhej pasi gruaja e shkodranit ka parë ujin t’i derdhej përtokë. Ndoshta nuk ishte mënyra se si Hysaj e kishte planifikuar të shkonte gjithçka, por gjithsesi nuk ia heq aspak bukurinë rrengut të tij./Sport Ekspres/