Porto-Roma duhej të ishte një miqësore ku të dy ekipet të shihnin gjendjen e lojtarëve para nisjes së kampionatit. Por nëse bëhet fjalë për Pepen në fushën e lojës, nuk ka asnjëherë ndeshje të qetë. Mbrojtësi portugez e ka tepruar tërësisht në minutën e 65 duke ndërhyrë keq ndaj Mkhitarian.
Ky i fundit nuk kishte një reagim më të mirë për t’iu kundërpërgjigjur nëpërmjet forcës kundërshtarit. Menjëherë kanë hyrë edhe lojtarët nga pankina dhe kështu u krijua kaosi i madh në këtë ndeshje. Sa i përket rezultatit, ekipet u ndanë në barazimin 1-1. /Sport Ekspres/