Interi është duke udhëhequr me shifrat 1-0 kundër Veronës. Ndeshja është zhbllokuar shumë shpejt për zikaltrit. Skuadra e Inzagit gjeti rrugën e rrjetës që në minutën e 9 të takimit.
Goli mban autorësinë e Kristjan Asllanit. Mesfushori shqiptar mori përsipër gjuajtjen e 11 metërshit për Interin dhe me një ftohtësi prej veterani e dërgoi topin pas shpinës së portierit kundërshtar. Ndeshja vazhdon të luhet, teksa ende nuk ka përfunduar pjesa e parë e saj./Sport Ekspres/