Barcelona ka fituar sot me shifrat e ngushta 1-0 përballë Rajo Vajekanos. Por ndeshja mund të kishte marrë një rrjedhë tjetër. Në minutën e 45-të De Frutos e dërgoi topin në rrjetë, por arbitri i mohoi festën.
Një vendim që ka ngjallur debate në rrjet. Nteka, i cili gjendej në pozicion jashtë loje, nuk ra në kontakt me topin. Ishte De Frutosi ai që u vu në zotërim të sferës, të cilën më pas e ndali në rrjetë. Megjithatë, arbitri ka arsyetuar vendimin e tij me faktin se Nteka, në pozicion jashtë loje, pengoi Injigo Martinezin të shkonte drejt De Frutosit për të ndërhyrë./Sport Ekpres/