Argjentinasit do të përballen me Francën dhe me siguri do të presim një spektakël në finalen e Botërorit. Sigurisht, të gjithë argjentinasit kanë besimin më të madh te Lionel Messi, i cili shkëlqeu edhe në gjysmëfinale kundër Kroacis. Titullin e kampionit të botës në këtë vend e presin që nga viti 1986 dhe e gjithë Argjentina është në këmbë.
Të gjithë ata që nuk do të mund të udhëtojnë në Katar do ta shikojnë ndeshjen finale përmes ekraneve të vogla në rrugët e qyteteve të tyre dhe një video disi e pabesueshme konfirmon se sa idhull është Messi për ta. Tifozët e Argjentinës kanë shkuar në dritaren e gjyshes së tij në Rossario dhe kanë kënduar këngë për nipin e saj. “Le ale Messi, le ale Messi”, ishte kënga e ardhur nga qindra tifozë. Gjyshja e ngazëllyer i përshëndeti dhe tërësisht e habitur nga skenat që po i ofroheshin. /Elio Hajdari-Sport Ekspres/
Fans in Argentina chanting “the grandma of Messi” outside his grandmother’s home ???
(via ness.leone/TikTok) pic.twitter.com/mpdijtgFaF
— FOX Soccer (@FOXSoccer) December 15, 2022