E pabesueshme por e vërtetë. Lacio shpëtohet sot nga portieri, por jo për shkak të pritjeve të tij. Këtë herë Provedeli u shndërrua në një sulmues të mirëfilltë, teksa në sekondën e fundit të kohës shtesë e shtyn topin me kokë në rrjetë.
Një gol që solli një festë të jashtëzakonshme në radhët e Lacios e që padyshim shkakoi pafund trishtim në radhët e Atletikos së Madridit. Goli i shënuar nga portieri i bardhekaltërve vulosi barazimin 1-1, duke i dhënë pikën e parë skuadrës në këtë sezon të Ligës së Kampionëve. Emocionet të çmendura që vetëm Champions-i di t’i ofrojë./Halit Delibashi-Sport Ekspres/
Ivan Provedel’s goal against Atletico Madrid with the Titanic music ? pic.twitter.com/4drJLnBqJ1
— Fútbol (@El_Futbolesque) September 19, 2023