Në ditën e sotme kishte një derbi shqiptarësh në miqësoren mes Espanjolit dhe Lille. Edon Zhegrova dhe Keidi Bare e nisnin nga minuta e parë në ekipet e tyre përkatëse. Sulmuesi i Kosovës krijoi një mundësi të artë për të shënuar në të 22.
Falë aftësive të tij dribluese arriti që të merrte zvarrë katër lojtarët e Espanjolit, për të hyrë në qendër të zonës që të kishte mundësinë e goditjes. Megjithatë futbollisti i fundit që arriti ta ndalonte ishte Keidi Bare, me mesfushorin shqiptar që përdori trupin dhe forcën për të evituar golin. /Sport Ekspres/