Lojtarët e FC Utrecht dhe RKC Waalwijk bënë një protestë të veçantë mbrëmë në momentet e fundit të ndeshjes.
Pasi ndeshja u ndërpre dy herë për shkak të hedhjes së sendeve nga tribuna, futbollistët vendosën që të mos vazhdojnë ta luajnë takimin.
Teksa Zakaria Labyad po festonte një gol për 2-0, në fushë u hodhën sende të ndryshme dhe u duk se arbitri do të ndalonte lojën.
Megjithatë, pas konsultimit me delegatin dhe përfaqësuesit e vendasve, u vendos që ndeshja të zhvillohej deri në fund, por të mos luanin asnjë nga lojtarët e skuadrave.
Topi mbërriti te portieri i Waalwijk, Etienne Vaessen, i cili në mënyrë demonstrative e mbajti topin nën këmbë për më shumë se një minutë derisa ndeshja u mbyll. /Sport Ekspres/
Prima statement van spelers @fcutrecht en @RKCWAALWIJK na de zoveelste onzinnige stillegging van @knvb na een potje vreugdebier op het veld. #utrrkc pic.twitter.com/2y9Pkutm3v
— GA Eagles Till I Die (@GAE_TillIDie) May 13, 2023