Mbrëmë, Marseille tronditi tifozët e saj në shtëpi ndaj Annecy dhe u eliminua nga Kupa e Francës.
Skuadra e ligës së ulët bëri një paraqitje të shkëlqyer ndaj Marsejës dhe në fund pas penalltive fitoi kalimin në fazën tjetër të kompeticionit.
Ndeshja nisi shumë mirë për Marsejën. Në minutën e 29-të, Clauss asistoi dhe Veretout shënoi për 1:0.
Një shfaqje e vërtetë u pa në pjesën e dytë. Dioni shënoi në minutën e 53-të për të barazuar për miqtë, gjë që askush nuk e priste.
Gjashtë minuta më vonë është një tronditje e vërtetë për lojtarët dhe tifozët e Marsejës. Demoncy asistoi dhe Mouang shënoi golin e kthesës.
Në minutën e 85-të kishte një penallti për Marsejën dhe përgjegjësinë e mori Alexis Sanchez. Ai nuk shënoi, dhe dukej se Marseja do të eliminohej pas 90 minutave.
Tifozët nisën të largoheshin nga stadiumi dhe të lëviznin drejt shtëpive të tyre dhe në minutën e 96-të të ndeshjes filloi një furi e vërtetë.
Mughe, i cili hyri në lojë vetëm katër minuta më herët, shënoi një gol të asistuar nga Vitinha dhe festimi i madh u dëgjua nga tifozët që ishin në rrugë.
Ata filluan menjëherë të vrapojnë drejt stadiumit për të parë penalltitë, por ky ishte edhe gabimi i tyre pasi Marseja u eliminua. /Elio Hajdari-Sport Ekspres/
?? Several Marseille supporters who left the Vélodrome early rushed back to the stands when they heard the fans celebrate the 90+6 equaliser vs Annecy! pic.twitter.com/C0BW4dB5c2
— EuroFoot (@eurofootcom) March 2, 2023