Një ndeshje dramatike dhe në kufijtë e së pabesueshmes ishte ajo mes Skënderbeut dhe Laçit. Rezultati është zhbllokuar pas një aksioni model dhe golit që erdhi si “qershia mbi tortë”, pasi ishte një kryevepër e Marës.
Ndërkohë kur u akorduan dhe minutat e shtesës, ndërsa pritej fundi i takimit, Mensah kishte rastin më të mirë për të dyfishuar shifrat dhe për të mbyllur takimin përpara kohe. Portieri i Lacit kishte braktisur tërësisht portën e tij dhe misioni për të dërguar topin në rrjetë ishte më i lehtë sesa për të dështuar.
Por Mensah ka bërë më të pamundurën, duke bërë një driblim për t’u harruar. Menjëherë në aksionin e radhës ishte Van Dave Harmon që ndëshkon Skënderbeun për të marrë një pikë në këtë transfertë. /Sport Ekspres/