“Marrëdhënia (me Gatuzon) nuk ka qenë gjithmonë e mirë. Kemi pasur probleme personale, për të cilat nuk dua të flas”. Ishte kjo deklarata e Karlo Ançelotit që erdhi si rrufe në qiell të hapur në prag të gjysmëfinales së Superkupës së Spanjës. Trajneri i Realit të Madridit la mënjanë diplomacinë përpara mediave dhe tregoi më shumë nga ç’mund të priste Xhenaro Gatuzo.
Raporti mes tyre është i krisur dhe takimi i sotëm përpara ndeshjes mes Valencias dhe Realit të Madridit flet qartë. Të dy trajnerët i dhanë dorën ftohtësisht njëri-tjetrit ndërsa fytyrat qendruan të serta dhe pa emocion. Pas asaj deklarate publike nga ana e Ançelotit vështirë se mund të ketë një përmirësim të marrëdhënies së tyre./Halit Delibashi-Sport Ekspres/
#Ancelotti #Gattuso ? pic.twitter.com/ikcDZfwUkq
— Andersinho Marques (@Andersinho_ITA) January 11, 2023