Arijanet Muriç ka luajtur sot ndeshjen e tij të parë me fanellën e Willem II. Por debutimi i tij rezultoi për tu harruar. Përballë në fushën e lojës gjendej një ekip me traditë në futbollin holandez, që nuk është kursyer aspak përpara portës kundërshtare.
Portieri shqiptar është detyruar të nxjerrë 5 herë topin nga rrjeta e tij, teksa Feyenoord ka triumfuar me rezultatin 5-0 në ndeshjen e sotme. Goli i parë do të shënohej në minutën e dytë të shtesës së pjesës së parë, ndërsa në fraksionin e dytë të lojës gjithçka do të fliste për vendasit, që tundën rrjetën edhe 4 herë të tjera.
Titullar nga minuta e parë në këtë sfidë ishte edhe Lindon Selahi, por në fund nuk ia doli të linte gjurmë për skuadrën e tij./Halit Delibashi-Sport Ekspres/
El tercero llegó gracias a Lucho @Sinisterra29
¡Felicitaciones!#Feyenoord #feywil pic.twitter.com/UAVSj073jZ— El Bombástico ?? ?? (@IgnacioOstertag) February 14, 2021