Cristiano Ronaldo po kalon ditët e fundit të vitit 2022 në Madrid. Këtë e ka treguar një video e cila u bë shumë shpejt virale në rrjetet sociale. Ronaldo ka marrë për Krishtlindje një Rolls-Royce të shtrenjtë nga partnerja e tij Georgina Rodriguez, vlera e së cilës llogaritet në rreth 350 mijë euro.
Futbollisti më i njohur i ditëve të sotme ka vendosur të dalë me Georginën në një nga restorantet e Madridit dhe siç pritej nuk ka kaluar pa u vënë re. Videoja e Ronaldos duke dalë nga restoranti dhe duke hipur në makinë u bë shumë shpejt virale, por shumë njerëz e kritikuan për një gjë. Cristiano duket se ka harruar se çfarë do të thotë të jesh zotëri dhe e dërgoi Georginën në sediljen e pasme sikur të mos e vinte re. /Elio Hajdari-Sport Ekspres/