Liverpuli po kthehet në një makineri fitoresh edhe këtë sezon në Premier League. Të kuqtë mposhtën Totenhemin në ndeshje direkte një javë më parë dhe rrëmbyen kreun e renditjes, të cilin duket se nuk kanë ndërmend ta lëshojnë lehtë. Një Liverpul i çmendur është parë ditën e sotme, duke u treguar i pamëshirshëm me kundërshtarin që kishte përballë.
Djemtë e Jurgen Klop kanë poshtëruar Kristal Palas në shtëpinë e këtyre të fundit, duke i mundur me një rezultat tenistik. Shifrat pas vërshëllimës përfundimtare shënonin 0-7 dhe siparin e ka ngritur që në minutën e 3-të Minamino, ndërsa të kuqtë nuk e kanë ulur aspak ritmin deri në minutët e fundit, kur Salah reazlion dopietë me golat e shënuar në minutat 81 dhe 84. Ndërkohë në listën e golashënuesëve e gjetën veten edhe kapiteni Henderson, Firminjo si dhe Sadio Mane./Halit Delibashi-Sport Ekspres/
https://twitter.com/D9INE_FOREVER28/status/1340302007366606849