Manchester City mori një fitore spektakolare mbrëmjen e djeshme kundër Arsenalit. “Qytetarët“ triumfuan me shifrat 4-1 dhe rihapën garën për titullin kampion. Guardiola ka ndërtuar një makineri thuajse perfekte, që nuk i trembet asnjë kundërshtari. Spanjolli është një nga trajnerët më të mirë në botë dhe rezultatet e dëshmojnë këtë fakt. Shpjegimin se përse skuadrat e tij janë të frikshme për çdo kundërshtar e jep veprimi i tij mbrëmjen e djeshme.
De Bruyne shënoi një gol mjaft të bukur nga jashtë zone në minutën e 7 të takimit dhe gjithë City, së bashku me Guardiolën, shpërthejnë në festë. Por trajneri katalanas ndërpret menjëherë festimin dhe buzëqeshja i largohet nga fytyra sapo sheh Edersonin. Guardiola thërret menjëherë portierin e tij dhe nis t’i bërtasë për ndonjë gabim që mund të ketë kryer në fushë. Askush nuk mund t’i shpëtojë qortimit të tij, e madje as kur është momenti që të gjithë duhet të festojnë./Halit Delibashi-Sport Ekspres/
Pep Guardiola called out Ederson right after Man City scored their first goal against Arsenal #Pep #ReInventingTheGame pic.twitter.com/6N75IryGff
— The Pep (@GuardiolaTweets) April 26, 2023