Ndër mbështetësit e shumtë të Leo Mesit mbrëmjen e djeshme ishte edhe Mario Gëtce. Futbollisti gjerman ka çuditur tifozët me videon e shpërndarë, ku së bashku me djalin e tij feston për triumfin e Argjentinës. 8 vite më parë, Argjentina dhe Gjermania u përballën në finalen e Kupës së Botës që zhvillohej në Brazil, e cila u vendos pikërisht nga Gëtce.
Ish-futbollisti i Borusias së Dortmundit tundi rrjetën në minutën e 113 të ndeshjes, duke i rrëmbyer kështu trofeun aq shumë të dëshiruar Lionel Mesit. Por kohët kanë ndryshuar dhe sot, 8 vite më pas, Gëtce sheh nga televizori suksesin e 7 herë fituesit të Topit të Artë dhe feston i lumtur si të ishte një tifoz i tij./Halit Delibashi-Sport Ekspres/
Mario Gotze nos generó en la final de 2014 una de las mayores tristezas futbolísticas de nuestra historia. Ayer, con su beba, celebrando que Messi, finalmente, haya conseguido ganar un Mundial. Una paradoja hermosa, la mejor escena post créditos imaginablepic.twitter.com/5h5wTOj1xN
— Diego Batlle (@dmbatlle) December 19, 2022